Биыл Қазақстанда 350-ден астам буллинг дерегі анықталды

Бүгін, 08:25 / Нұрлан Әлинұр
Getty Images

ІІМ ювеналды полиция басқармасының бастығы Асхат Дүйсембеков Құрылтайдағы брифингте Қазақстанда балалар бір-біріне жиі буллинг жасайтынын мәлімдеді, деп хабарлайды turkystan.kz.

"Биыл 355 буллинг дерегі анықталды. Олар осы бағыттағы жұмысты күшейту аясында әшкереленді", - деді Асхат Дүйсембеков.

Оның айтуынша, барлық дерек бойынша ата-аналар жауапқа тартылды.

"Біз барлық деректі толық әрі жан-жақты талдаймыз, қараймыз. Барлық себеп пен жағдайды анықтаймыз. Осындай жайттарға жол берген қызметкерлерге қатысты да қызметтік тергеу жүргізіліп жатыр", - деп түйіндеді ол.