الەمدىك شيكىزات باعاسى تومەندەيدى

مۇناي، تەمىر رۋداسى جانە كومىر باعاسى 40 دوللارعا دەيىن ءتۇسىپ كەتۋى مۇمكىن دەپ ەسەپتەيدى Merchant Commodity Fund دەپ حابارلايدى 7kun.kz. الەمدىك ەكونوميكانىڭ ءوسىمى باياۋلاپ جاتقان كەزدە ءوندىرىس كولەمىنىڭ ۇلعايۋى شيكىزات باعاسىنىڭ ودان ءارى تومەندەپ كەتۋىنە سەبەپ بولۋى ىقتيمال. قىتايدىڭ تۇتىنۋشىلىقتى ازايتقانىنا دا بايلانىستى شيكىزاتقا دەگەن سۇرانىس ازايا تۇسەدى دەپ ەسەپتەيدى قوردىڭ ساراپشىلارى. Bloomberg اگەنتتىگى ساۋالناما جۇرگىزگەن ساراپشىلاردىڭ بولجامىنشا، الەمدىك ءجىو وسى جىلى 2،9%، كەلەسى جىلى 3،2% كوبەيە تۇسەدى.

سالىستىرما ءۇشىن، 2010 جىلى جاھاندىق ەكونوميكانىڭ ءوسىمى 4% ارتقان ەدى. «مىقتى شيكىزات نارىعى ءۇشىن ەكونوميكانىڭ دامۋى 5% بولۋى قاجەت»، -دەيدى قور باسشىسى مايكل كوۋلمان. WTI سۇرىپتى مۇنايدىڭ باعاسى سوڭعى جىلى 46%-عا، تەمىر رۋداسىنىڭ باعاسى 55%-عا، ال ەۋروپالىق كومىر 31%-عا دەيىن ارزاندادى.

Merchant Commodity Fund ساراپشىلارىنىڭ پىكىرىنشە، مۇناي باعاسىنىڭ ناۋرىزدا 34%-عا كوبەيۋى ۋاقىتىنان بۇرىن ورىن الىپ وتىر. امەريكالىق مۇناي كومپانيالارى بارلاۋ قوندىرعىلارىنىڭ سانىن ازايتقانىمەن، باعا باررەلىنە 60 دوللارعا دەيىن كوتەرىلسە قايتا كوبەيتۋى مۇمكىن.

Merchant Commodity Fund ينۆەستيتسيادان وتكەن جىلى 59% ەسەبىندە تابىس تاپتى. قوردىڭ باسقارۋىنداعى اكتيۆتەر سانى 280 ملن دوللارعا دەيىن كوبەيدى. 2014 جىلدىڭ ناۋرىزىندا بۇل كورسەتكىش 136 ملن دوللار دەپ بەلگىلەنگەن ەدى.

ۇقساس جاڭالىقتار

Back to top button