Қазақстан құрамасы Аичи–Нагоя Азия Пара ойындарында пара жүзуден аралас эстафетада күміс медаль жеңіп алды, деп хабарлайды turkystan.kz.
Спортшылар 4×50 метрге еркін стильде жүзуден аралас эстафетада 2:48.99 уақыт көрсеткішімен мәреге екінші болып жетті.
Команда сапында Наталья Звягинцева, Айсұлтан Күлкеев, Сиязбек Далиев және Зүлфия Ғабидуллина өнер көрсетті.
Бірінші орынды 2:25.22 нәтижесімен Қытай құрамасы иеленсе, Филиппин командасы 2:54.64 уақыт көрсеткішімен қола жүлдеге қол жеткізді.