Әлеуметтік желіде Ғалым Байтымбет есімді азаматтың жұбайымен бірге Қазақстанды бүкіл периметрі бойынша көлікпен қалай аралап өткені туралы айтқан видеосы тарады, деп хабарлайды turkystan.kz.
Ерлі-зайыптылар 72 күнде 15 100 шақырым жол жүріп, еліміздің әр өңіріндегі көрікті жерлерді көрген. Сонымен бірге, 2 мың шақырымға жуық жолды жаяу жүріп өткен.
Саяхат Алматыдан басталып, Алакөл, Марқакөл, Бурабай, Бозжыра мен Аралды қамтыған. Сапар кезінде ерлі-зайыпты 240 түрлі құсты көріп, әсем табиғатты 30 мың рет суретке түсірген.
Олар енді саяхаттан алған әсерлері мен түсірген кадрларын желі қолданушыларына көрсетуді жоспарлап отыр.