Түркістан облысы Кентау қаласындағы Төле би көшесінде үш қабатты көппәтерлі тұрғын үйдің шатыры өртенді, деп хабарлайды turkystan.kz ТЖМ-ға сілтеме жасап.
Ведомство мәліметінше, өрт сөндіру бөлімшелері оқиға орнына 3 минут ішінде жеткен. Құтқарушылар келген кезде шатыр ашық жалынмен жанып жатқан.
"Өрт 250 шаршы метр аумақта толық сөндірілді. ТЖД күштері баспалдақ арқылы 32 адамды, оның ішінде 7 баланы эвакуациялады", - дейді ТЖМ өкілдері.
Зардап шеккендер жоқ.