Қарағандының Майқұдық тұрғын алабында автобус пен жеңіл көлік жол апатына түсті, деп хабарлайды turkystan.kz.
Апат туралы ақпарат Instagram-дағы dorogi_karagandy парақшасында жарияланды. Онда оқиға куәгерлері түсірген видео пайда болды. Кадрлардан қатты зақымданған ақ түсті көлік пен жедел жәрдем көлігін көруге болады.
Полиция өкілдері пікірлер бөлімінде жол апаты бүгін, 6 қыркүйекте, сағат 07:30 шамасында К. Маркс көшесінде болғанын хабарлады. Chevrolet Cobalt автокөлігі мен Yutong бағытындағы автобус жол апатына.
"Жол-көлік оқиғасы салдарынан Chevrolet Cobalt көлігінің 36 жастағы жолаушысы алған жарақатынан оқиға орнында көз жұмды. Аталған факті бойынша сотқа дейінгі тергеу басталды. Оқиғаның мән-жайы мен себептері анықталып жатыр", - деп түсіндірді Қарағанды облыстық полиция департаменті.
Құқық қорғау органдары жүргізушілерді жол жүрісі ережелерін қатаң сақтауға шақырды. Сондай-ақ жол және ауа райы жағдайын ескере отырып, қауіпсіз жылдамдықты таңдауға, жолда барынша мұқият әрі сақ болуға кеңес берді.