Белгілі боксшы Назым Қызайбай Алматы облысының Жаңашар ауылындағы сайлау учаскесіне барып, дауыс берді, деп хабарлайды turkystan.kz.
«Сайлауда дауыс беру мен үшін – өз позициямды білдіріп, елімнің болашағына үлес қосатын мүмкіндік. Әр азамат өз таңдауының маңызды екенін түсінуі керек. Бүгін мен сайлау учаскесіне келіп, өзімнің азаматтық парызымды орындадым», — деді ол.
Айта кетейік, Назым Қызайбай әйелдер боксынан Қазақстанның үш дүркін чемпионы, XXXIII жазғы Олимпиада ойындарының қола жүлдегері.