Семейлік жаттықтырушы Тимур Рахимжанов Ертіс өзенінің жағалауында атпен серуендеп жүріп, көмекке шақырған дауысты естіген. Жағаға жақындағанда суға батып бара жатқан баланы байқап, ойланбастан өзенге түскен, деп хабарлайды turkystan.kz.
Жаттықтырушы 7 жастағы баланы судан алып шығып, қауіпсіз жерге жеткізген. Кейін оның ата-анасымен байланысып, баланы отбасына тапсырған.
Абай облысының ТЖД Тимур Рахимжановтың батылдығы мен жедел әрекетін атап өтіп, адам өмірін құтқарудағы ерлігіне жоғары баға берді.