Жамбыл аудандық соты бөтеннің мүлкін қасақана бүлдіру фактісі бойынша азамат Б.-ға қатысты әкімшілік құқық бұзушылық туралы істі қарады, деп хабарлайды turkystan.kz.
2026 жылдың наурыз айында Жамбыл ауданы Гродеково ауылында Б. мен оның көршісі арасында жанжал туындаған. Жанжал барысында Б. жәбірленушіге тиесілі ұялы телефонды, бейнебақылау камераларын және қақпаны бүлдірген.
Құқық бұзушы кінәсін толық мойындап, өкініш білдірді. Ол жанжалдың көршісінің оның келісімінсіз жүргізген бейне түсірілімінен туындағанын түсіндірді. Сонымен қатар, оның наразылығының себебі бейнебақылау камераларын үйінің аумағына және оған іргелес учаскеге бағыттау болды.
Жәбірленуші Б.-ның балалары оған жаңа телефон сатып алғанын айтты, сондықтан оның бұл бөлігінде ешқандай шағымдары жоқ. Алайда ол моральдық зиянды өтеу ретінде 500 мың теңге өндіруді сұрады.
ӘҚБтК 147-1-бабы 1-бөлігінің санкциясы 50 АЕК мөлшерінде айыппұл салуды немесе 5-тен 20 тәулікке дейінгі мерзімге әкімшілік қамаққа алуды көздейді.
Сот кінәні мойындауды, өкініш білдіруді, бұрын жасалған құқық бұзушылықтар мен ауырлататын мән-жайлардың жоқтығын ескере отырып, айыппұл мөлшерін 30%-ға азайтты.
Сот қаулысымен Б. ӘҚБтК 147-1-бабының 1-бөлігі бойынша кінәлі деп танылып, оған 151 мың теңге көлемінде айыппұл тағайындалды. Сот жәбірленушіге моральдық зиянды өндіріп алу туралы мәселені азаматтық сот ісін жүргізу тәртібімен шешу керектігін түсіндірді.
Қаулы заңды күшіне енді, айыппұл толық мөлшерде төленді.