«Қазгидромет» мамандары 16 тамызға еліміздің бірқатар қаласындағы ауа сапасына қатысты болжам жасады.
Синоптиктердің мәліметінше, бүгін Алматы, Ақтөбе, Қарағанды, Балқаш және Теміртау қалаларында қолайсыз метеорологиялық жағдай қалыптасуы мүмкін.
Мұндай кезде желдің әлсіреуі, тұман, ауа температурасының инверсиясы сияқты метеорологиялық факторлар атмосфераның жерге жақын қабатында зиянды заттардың жиналуына әсер етеді.
Осыған байланысты аталған қалаларда атмосфералық ауаның сапасы уақытша төмендеуі ықтимал.
«Қазгидромет» қолайсыз метеорологиялық жағдай кезінде ауа сапасының нашарлауы мүмкін екенін ескертті.