Жақында ғана қыздарын ұзатқан Мирас пен Құралай жаңа құдаларын көрсетіп, тойларына ат салысқан көпшілікке алғыс айтты, деп хабарлайды turkystan.kz.
«Бүгін көптен күткен сырға салу, құдалық тойымызды абыроймен өткізіп алдық. Екі әулеттің басын қосып, қуанышымызды бірге бөліскен барша ағайын-туысқа, жақын-жуыққа алғысымыз шексіз. Ақ тілектеріңіз бен ақ ниеттеріңіз қабыл болсын! Бүгінгі қуанышымыз берекелі болып, құдалығымыз мың жылдық, құдаларымыз сыйласымды болсын! Алла әр шаңыраққа осындай қуанышты күндерді нәсіп етсін», - деп жазды Құралай желідегі парақшасында.