ЖСДП партиясының Алматы облыстық филиалы Қонаев қаласының тұрғындарымен орталық қалалық саябақта үгіт-насихат кездесуін өткізді. Іс-шараға қала зейнеткерлері мен белсенділері қатысты, деп хабарлайды turkystan.kz.
ЖСДП өкілдері кездесу барысында қатысушыларға ЖСДП-ның сайлауалды бағдарламасы туралы айтып, ақпараттық және үгіт-насихат материалдарын таратты. Ең бастысы, ЖСДП үміткерлері тұрғындармен қазіргі таңда зейнеткерлердің өміріне тікелей әсер ететін мәселелер туралы ашық диалог жүргізілді.
Ең өзекті мәселелердің бірі – Ұзақ өмір сүру орталығына арналған жеке ғимараттың болмауы. Қазіргі уақытта шамамен 250 зейнеткер сабақтарға қатысып, түрлі іс-шараларға атсалысады. Алайда орталықтың тұрақты жұмыс істеуіне арналған жеке ғимараты жоқ. Жаз мезгілінде іс-шаралардың бір бөлігін ашық ауада өткізуге болады, алайда суық ауа райының басталуымен ғимарат мәселесі ерекше өзекті бола түседі.
Кездесуге қатысушылар мынадай қажеттіліктерді атап өтті:
Ұзақ өмір сүру орталығына арналған жеке ғимарат салу немесе зейнеткерлер тұрақты түрде сабақтар, жаттығулар, мәдени және әлеуметтік іс-шаралар өткізе алатын қолайлы орын бөлу.
ЖСДП кандидаттарымен кездесу белсенді әрі сындарлы диалог форматында өтті. Зейнеткерлер барлық мәселені атап қана қоймай, ЖСДП мүшелеріне аға буын өкілдерінің өмір сүру жағдайын жақсартуға қатысты нақты ұсыныстарын да айтты.
ЖСДП-ның Алматы облыстық филиалы зейнеткерлердің лайықты өмір сүруі және әлеуметтік қызметтердің қолжетімділігі мәселелері мемлекеттік және қоғамдық саясаттың басым бағыттарының қатарында қалуы тиіс деп санайды.