Әзербайжанның астанасы Бакуде өткен «Музыка и ритмы моря» халықаралық шығармашылық фестиваль-байқауында Ақтаудағы Абыл Тарақұлы атындағы өнер мектебінің оқушысы Арайлым Мағзам жеңімпаз атанды, деп хабарлайды turkystan.kz.
Байқауға әртүрлі елдерден келген дарынды өнерпаздар қатысқан. Қазақстан атынан өнер көрсеткен Арайлым Мағзам – аталған өнер мектебінің фортепиано бөлімінің 3-сынып оқушысы.
Жас пианистка байқау барысында әзербайжанның халық әндерінен құралған попурриді орындап, халықаралық қазылар алқасының жоғары бағасына ие болды. Нәтижесінде оған І орын берілді.
Байқауға Арайлымды ұстазы Галия Слан дайындаған.
«Бұл жеңіс – шәкіртімнің талантының, табандылығының және ата-анасымен бірлескен еңбегіміздің жемісі», – деді ұстаз Галия Слан.