Қазақстандық «Байтақ» жасылдар партиясы AYALA Ұлттық аңшылар мен балықшылар палатасымен бірлесіп, «Табиғат – ұлттық мұра» жобасын іске қосты, деп хабарлайды turkystan.kz.
Бастама ерекше қорғалатын табиғи аумақтар жүйесін дамытуға бағытталған.
24 шілдеде Іле-Алатау мемлекеттік ұлттық табиғи паркінде жоба аясындағы алғашқы сараптамалық дөңгелек үстел өтті. Қатысушылар биоалуантүрлілікті сақтау, ерекше қорғалатын табиғи аумақтарды дамыту, экологиялық туризмді қолдау, сондай-ақ табиғатты қорғау заңнамасын жетілдіру мәселелерін талқылады.
Кездесуге қатысушылар табиғатты қорғау — әрбір азаматтың ортақ жауапкершілігі екенін атап өтті.
«Табиғат – ұлттық байлық. Оны сақтау – болашақ ұрпақ алдындағы ортақ жауапкершілігіміз» екенін ұйымдастырушылар атап өтті.