Индонезияның Джакарта қаласында 23 жасқа дейінгі қыздар арасында бокстан Азия чемпионатының финалдық жекпе-жектері өтті, деп хабарлайды turkystan.kz.
Құрлық біріншілігінің чемпионы атанғандар:
- 48 келіге дейінгі салмақта Гүлназ Бөрібаева финалда Моңғолия өкілі Содон-Од Биндерияны жеңді.
- 70 келіге дейінгі салмақ дәрежесінде Азиза Исина өзбекстандық Райхона Құрбонбоеваны ұтып, алтын медальға ие болды.
- 75 келіге дейінгі салмақта Шұғыла Нәлібай Үндістан өкілі Мусканды жеңіп, Азия чемпионы атанды.
Сонымен қатар Қазақстан құрамасының үш спортшысы күміс жүлдеге қол жеткізді.
- 51 келіге дейінгі салмақта Анита Әдішева финалда өзбекстандық Гүлсевар Ғаниеваға жол берді.
- 57 келіге дейінгі салмақта Ұлжан Сәрсенбек Өзбекстан өкілі Хуморабону Мамажоноваға есе жіберді.
- 80 келіге дейінгі салмақта Құралай Егінбайқызы тағы бір өзбекстандық боксшы Рухшона Парпиевадан жеңіліп, күміс медаль иеленді.
Бұған дейін 19 жасқа дейінгі қыздар арасындағы Азия чемпионатының жеңімпаздары анықталған еді.
Айта кетейік, U19 және U23 санаттарындағы боксшылар арасындағы Азия чемпионаты Джакартада 3-16 шілде аралығында өтіп жатыр. Ерлер арасындағы финалдық жекпе-жектер турнирдің соңғы күні өтеді.