Шие тек дәрумендер мен антиоксиданттардың көзі ғана емес, сонымен қатар ұйқы сапасын жақсартуға да ықпал етуі мүмкін. Бұл туралы Healthline басылымы ғылыми зерттеулерге сілтеме жасап хабарлады, деп хабарлайды turkystan.kz.
Мамандардың айтуынша, мұндай әсер шиенің құрамындағы мелатонин гормонымен байланысты. Мелатонин адамның ұйқы мен сергектік циклін реттеуге көмектеседі. Сонымен қатар, жидектің құрамында демалыс сапасына әсер ететін заттардың түзілуіне қатысатын өсімдік қосылыстары мен аминқышқылдары бар.
Зерттеулерге сәйкес, шие немесе қышқыл сұрыптарынан дайындалған шырынды тұтыну ұйқының сапасын жақсартып, тезірек ұйықтауға көмектесуі мүмкін.
Бұған дейін ғалымдар шиенің қабынуға қарсы қасиеттері бар екенін де анықтаған. Бұл оның құрамындағы антоциандар мен басқа да антиоксиданттардың жоғары мөлшерімен түсіндіріледі. Аталған заттар ағзадағы тотығу стрессімен күресіп, жүрек-қан тамырлары жүйесінің саулығын қолдауға ықпал етеді.
Дегенмен сарапшылар шиені ұйқысыздықты емдейтін дәрі ретінде қарастыруға болмайтынын ескертеді. Соған қарамастан, оны теңгерімді тамақтану рационына енгізу ағзаның жақсы тынығуына және қалпына келуіне оң әсер етуі мүмкін.