Қазақстан футбол федерациясы Талғат Байсуфиновтың Ұлттық құраманың бас бапкері қызметінен кеткенін мәлімдеді. Федерация бас бапкердің отставкасын өкінішпен қабылдап, шешіміне құрметпен қарағанын жазады, деп хабарлайды turkystan.kz.
«Команданы тізгіндеген кезінде Талғат Байсуфинов құрамадағы барлық кезеңдері арасында ең үздік нәтижені көрсетті. Оның ішінде әлем чемпионатының іріктеу кезеңінде Бельгиямен өз алаңымызда тең түсті. Оның жетекшілігімен команда өз күшіне деген сенімділікті қайтарып, ФИФА рейтингіндегі орнын жақсартты. ҚФФ Талғат Маруаұлына кәсібилігі, ісіне деген адалдығы және Қазақстан ұлттық құрамасының дамуына қосқан елеулі үлесі үшін алғыс білдіреді, сондай-ақ оған алдағы кәсіби қызметінде сәттілік тілейді. Бапкерлер штабын жасақтау бойынша алдағы қадамдар туралы қосымша хабарланады. Ұлттық құраманың алдағы матчтарға дайындығы қалыпты күйде жалғасады», - делінген хабарламада.