2026 жылғы 12 маусымнан бастап Қазақстанның әуе тасымалы нарығына Арменияның жаңа шетелдік әуе компаниясы – FlyOne Armenia шығады, деп хабарлайды turkystan.kz.
Әуе компаниясы Ереван – Алматы бағыты бойынша тікелей тұрақты жолаушылар рейстерін орындай бастайды. Рейстер аптасына екі рет – дүйсенбі және жұма күндері жүзеге асырылады. Осылайша, Қазақстан мен Армения арасындағы апталық әуе рейстерінің жалпы саны 3-тен 5-ке дейін артады.
«Қазақстан мен Армения арасындағы әуе қатынасының ашылуы екі ел арасындағы сауда-экономикалық, іскерлік, инвестициялық, туристік және мәдени ынтымақтастықтың одан әрі дамуына ықпал етеді», – деп атап өтті ведомство.