АҚШ баллистикалық зымырандарын сынақтан өткізбек

АҚШ әскери әуе күштері сәрсенбі күні Minuteman IIІ континент аралық баллистикалық зымыранын сынақтан өткізбек деп хабарлайды Qazaq times Washington Examiner ақпарат көзіне сүйеніп. Washington Examiner-дің айтуынша Minuteman IIІ баллистикалық зымыраны Калифорнияда орналасқан АҚШ әскери әуе күштерінің Ванденберг базасынан ұшырылады. Осыған байланысты АҚШ әуе күштерінің өкілі бұл баллистикалық зымыранды сынақтан өткізу Солтүстік Кореядағы жағдайларға байланысты емес, біз бұны бір жыл бұрын жоспарлағанбыз деді. Бүгінгі таңда ресми мәліметтер бойынша АҚШ-та 450 Minuteman IIІ континент аралық баллистикалық зымырандары бар. Minuteman IIІ баллистикалық зымырандарын 1970 жылы қолданысқа енгізілген ал 1978 жылы жаппай шығарылымнан алынып тасталған. Minuteman IIІ 12 мың километр шаршы аумақты жарып жіберуге қауқарлы. Қазір Корей түбегіндегі Пхеньян мен Вашингтон арасындағы саяси ахуал күн өткен сайын ушығып барады. | Материалды көшіріп бассаңыз http://qazaqtimes.com/article/9626 сайтының гиперсілтемесін міндетті түрде қойыңыз. Авторлық құқықты сақтаңыз.