Астанада 27 мамырдан бастап 1-сыныпқа құжат қабылдау науқаны басталды. Осы орайда елордадағы мектептердің біріне үшем құжат тапсырған, деп хабарлайды қала әкімдігі.
Әкімдіктің мәліметінше, бір үйдің ұлдары – Күнтуған, Айтуған және Нұртуған Бақыт жаңа оқу жылында бірінші сыныпқа барады.
Балалар Сырбай Мәуленов атындағы №37 мектеп-лицейінде қазақ тілінде білім алады.
"Құлыншақтарымыздың қадамдары құтты болып, білім жолында биік белестерді бағындырсын. Елін сүйетін, тәрбиелі әрі білімді азамат болып өссе екен дейміз", - дейді олардың ата-анасы.