Астанада полицейлер зергерлік бұйымдарды ұрлау дерегін жедел түрде ашты, деп хабарлайды turkystan.kz.
Алтын әшекейлерінің жоғалғаны туралы әйел адам полицияға арызданған. Жедел-іздестіру шаралары барысында күдікті анықталды — ол жәбірленушінің танысы болып шыққан және бұған дейін оның үйінде қонақта болған.
Тергеу барысында белгілі болғандай, ол кетіп бара жатып, жасырын түрде алтын бұйымдарды ұрлап кеткен. Келтірілген жалпы шығын көлемі 1 миллион теңгеден асты.
Ұрланған бұйымдарды күдікті ломбардқа тапсырған. Полиция қызметкерлері күдіктіні арыз түскеннен кейін келесі күні-ақ анықтап, ұстады.
Аталған факті бойынша қылмыстық іс қозғалып, сотқа дейінгі тергеу жүргізіліп жатыр.
Полиция азаматтарға бағалы заттарды қараусыз қалдырмауды және үйге кіріп-шығатын адамдарға мұқият болуды ескертеді. Заңға қайшы әрекеттер болған жағдайда дереу құқық қорғау органдарына хабарласу қажет.