Жаз мезгілінде көп адам өзгерістерді байқайды: кешке қарай аяқ ауырлайды, аяқ киім қыса бастайды, саусақтар ісінеді, ал сақиналар әрең шешіледі. Біреулер мұны шаршаудан көреді, енді біреулер артық судан деп ойлайды. Бірақ мәселе әлдеқайда тереңде: ыстықта қан тамырлары мен лимфа жүйесі шамадан тыс жүктемемен жұмыс істейді. Ісіктің не себептен пайда болатынын және ағзаға дәрісіз қалай көмектесуге болатынын медицина ғылымдарының кандидаты Ярослав Гурин түсіндірді, деп хабарлайды turkystan.kz.
Қан тамырлары қалай жұмыс істейді және неге ыстықта бұзылады?
Аяқтағы қан жүрекке терең тамырлар арқылы көтеріледі. Бұл тамырлар ішінде қалташық тәрізді қақпақшалар болады (кішкентай жарты айға ұқсайды). Олар тек жоғары қарай ашылып, қанның төмен қайта ағуына жол бермейді.
Ыстықта не болады?
Ыстық қан тамырларын кеңейтеді (ағза тері арқылы жылуды шығарып, салқындауға тырысады).
Тамырлап кеңейіп, қабырғалары босаңсиды.
Қақпақшалар толық жабылмай қалады.
Қан қайтадан төмен қарай аға бастайды.
Неге аяқ ісінеді?
Қан іркіліп қалады, ал оның сұйық бөлігі (плазма) тамырлардың қабырғалары арқылы айналадағы тіндерге өтіп кетеді. Қалыпты жағдайда мұны лимфа жүйесі сорып алып кетеді. Бірақ ыстықта ол үлгермей қалады.
Компьютерде жұмыс істегенде неге қол ісінеді?
Қолда да дәл осындай жағдай болады, бірақ бір ерекшелігі бар. Лимфа саусақтардан қолтық астындағы лимфа түйіндері арқылы ағады. Егер сіз қолыңызды шынтақтан бүгіп ұзақ отырсаңыз (ноутбукпен жұмыс, кітап оқу), шынтақ пен қолтық маңындағы лимфа жолдары қысылады.
Ыстық ауа райы + бүгілген шынтақ = ісінген саусақтар және шешілмейтін сақиналар.
Дәрісіз ісікті қалай азайтуға болады?
Сіз ыстықты тоқтата алмайсыз, бірақ тамырлар мен лимфа жүйесіне көмектесе аласыз.
Кеңес – вертикалды дренаж (ең маңыздысы)
Ісінген кезде диванда жата беру жағдайды нашарлатады.
Қалай әсер етеді?
Лимфа тек бұлшықеттер қозғалғанда жоғары қарай ағады.
Не істеу керек?
Арқаңызбен жатыңыз;
Аяғыңызды жастыққа немесе қабырғаға көтеріңіз;
Табан жүректен 30–40 см жоғары болуы керек;
Осы қалыпта 15 минут жатыңыз.
Сонда сұйықтық ауырлық күшінің әсерімен кеуде лимфа өзегіне қарай жеңілірек қайтады.