Ішкі істер министрлігі «Заң мен тәртіп» II халықаралық фотобайқауын бастады, деп хабарлайды turkystan.kz.
Астана әкімдігінің ақпаратынша, байқауға кәсіби және әуесқой фотографтар, құқық қорғау органдарының қызметкерлері, сондай-ақ Қазақстан мен шетелдің шығармашылық өкілдері қатыса алады.
Конкурстық жұмыстар үш номинация бойынша қабылданады:
• «Заң мен тәртіп – қауіпсіз балалық шақтың кепілі»;
• «Цифрлық қауіпсіздік: қоғам күзетіндегі заманауи технологиялар»;
• «Таза Қазақстан: тәртіп тазалықтан басталады».
Жұмыстар 2026 жылғы 10 маусымға дейін Polisia.kz@bk.ru электрондық поштасы арқылы қабылданады.
Әр қатысушыдан JPEG форматындағы, сапасы кемінде 5 MP және 300 dpi болатын 3 фотосуретке дейін қабылданады.
Әр жұмысқа тиісті номинация көрсетілген қысқаша сипаттама қоса берілуі тиіс.
Жеңімпаздар дипломдармен және бағалы сыйлықтармен марапатталады.