Маңғыстау облысында ауа райының қолайсыздығына байланысты жүк және қоғамдық көліктер үшін жол қозғалысына уақытша шектеу енгізілді, деп хабарлайды turkystan.kz.
«ҚазАвтоЖол» ұлттық компаниясының хабарлауынша, 15 сәуір күні сағат 11:00-ден бастап өңірде қатты желдің күшеюіне байланысты республикалық маңыздағы KAZ-11 «Доссор – Құлсары – Бейнеу – Сайөтес – Шетпе – Жетібай – Ақтау» автомобиль жолының 338-632 шақырым аралығы, атап айтқанда Бейнеу – Шетпе учаскесінде жүк және қоғамдық көлік түрлерінің қозғалысына шектеу қойылды.
Ведомствоның мәліметінше, енгізілген шектеуді өзгерту алдын ала жоспар бойынша сағат 17:00-ге белгіленген.
Жауапты қызметтер жол қозғалысына қатысушыларды ауа райы жағдайын ескеріп, сапарларын алдын ала жоспарлауға және енгізілген шектеулерді қатаң сақтауға шақырады.