86 жасында америкалық актер әрі жекпе-жек өнерінің шебері Чак Норрис қайтыс болды. Бұл туралы актердің отбасы әлеуметтік желіде хабарлады, деп жазды turkystan.kz.
«Көпшілігіңіз оның жуырдағы ауруханаға жатқызылғаны туралы естігендеріңізді білеміз және оған арнаған дұғаларыңыз бен қолдауларыңыз үшін шын жүректен алғыс айтамыз. Біз осы қазаны бастан өткеріп жатқан сәтте, отбасымыздың жеке өміріне құрметпен қарауларыңызды сұраймыз. Оны бізбен бірге жақсы көргендеріңіз үшін рақмет», — деп жазды актердің жақындары әлеуметтік желіде.
Чак Норрис 1940 жылғы 10 наурызда АҚШ-та дүниеге келген. Ол еңбек жолын каратэ нұсқаушысы ретінде бастап, көп ұзамай көптеген атақты жеңіп алған, сондай-ақ жекпе-жек өнері бойынша өз мектептерін ашқан ең танымал шеберлердің біріне айналды.
Норрис киноға 1970-жылдары келіп, қайсар әрі әділ кейіпкерлерді сомдаған боевик фильмдер арқылы танымал болды. Оған кең танымалдық әкелген туындылардың қатарында фильмдер және әсіресе «Крутой Уокер» сериалы бар. Осы сериал арқылы ол әділдік үшін күресетін жеңілмес қаһарман бейнесін бекітті.
Уақыт өте келе актер «Чак Норрис туралы фактілердің» арқасында интернет-феноменге айналып, поп-мәдениеттегі күш пен ирониялық табынудың символы болды.