Қазақстандық UFC файтері Асу Алмабаев бесінші рет сәби сүйді, деп хабарлайды turkystan.kz.
Бұл қуанышты жаңалықты спортшы өзінің Instagram парақшасында бөлісті. Белгілі болғандай, Асудың шаңырағында қыз бала өмірге келген.
«Қызым — сен мен үшін Ерекшесің», — деп жазды Алмабаев жазбасының астында.
Алмабаев отбасын басты құндылығы санайды және жеке өмірінің егжей-тегжейін көпшілікке сирек жариялайды.
Айта кетейік, қазіргі сәтте қазақстандық спортшы UFC-дің ең жеңіл салмақ дәрежесі рейтингінде жетінші орында тұр.