Иранның Жоғары Көшбасшысы Моджтаба Хаменеи АҚШ пен Израильдің Иранға жасаған әуе соққылары кезінде жараланған соң, Ресей әскери ұшағымен Мәскеуге жасырын түрде емделуге жеткізілді, деп хабарлайды Al Jarida.
Басылымның мәліметінше, Ресей президенті Владимир Путин Моджтаба Хаменеидің жарақатынан кейін оны Мәскеуде емдеуді ұйымдастыруды ұсынған. Моджтаба Хаменеи 28 ақпанда АҚШ пен Израиль әуе күштерінің Иранға жасаған алғашқы соққылары кезінде жараланған. Ол ұрыс басталғаннан бері көпшілік алдына шықпаған. Оның жағдайы ауруханада ем алуды және үнемі медициналық бақылауды қажет етеді.
Дереккөздің мәлімдеуінше, Ресейде емделу туралы ұсыныс Путин мен Иран президенті Масуд Пезешкианның телефон арқылы сөйлесуі кезінде жасалған. Моджтаба Хаменеи кейіннен Мәскеуге ресейлік әскери ұшақпен жеткізілді.
Рухани көсемге жасалған ота сәтті өтіп, қазір ол президент резиденцияларының біріндегі мамандандырылған клиникада емделіп жатыр.
Басылым оны эвакуациялау туралы шешім сапалы медициналық көмекті қамтамасыз ету қажеттілігінен де, Израиль тарапынан қауіп төніп тұрған кездегі қауіпсіздік мәселесінен де туындады, деп жазды.