اتاقتى و'رايلي جۇمىستان نەگە قۋىلدى؟

Fox News امەريكالىق تەلەكانالى كورەرمەندەردىڭ كوزايىمىنا اينالعان «فاكتور و’رايلي» ساياسي باعدارلاماسىنىڭ جۇرگىزۋشىسى بيلل و’ء;رايليدى جۇمىستان شىعاردى. بۇل centralasian.org حابارلادى. 

و’ء;رايليدىڭ تەلەكانالدان ناقتى نە ءۇشىن كەتكەنى جونىندە كەلىسىمگە سايكەس ناقتى ايتىلماعان. جەرگىلىكتى ءباسپاسوزدىڭ جازۋىنشا، جۇرگىزۋشى Fox News قىزمەتكەرىنە قىرىنداعانى ءۇشىن قىزمەتىنەن كەتۋگە ءماجبۇر بولعان.

«مەن نەگىزسىز وسەككە بولا، امالسىزدان كەتۋىمە تۋرا كەلدى. وكىنىشكە قاراي، مۇنداي جاعدايعا كوپتەگەن تانىمال تۇلعالار تاپ بولىپ جاتادى. مەن ارقاشاندا Fox News تەلەارناسىندا ىستەگەن جىلدارىمدى ماقتانىشپەن ەسكە الاتىن بولامىن. مەن كورەرمەندەرىمە ءاردايىم ريزاشىلىعىمدى ءبىلدىرىپ جۇرەمىن. Fox News ارناسىنا تەك جاقسىلىق تىلەيمىن»،- دەلىنگەن و’رايلي تاراتقان مالىمدەمەدە.

New York Times گازەتى تەلەكانال باسشىلىعىنا 15 جىل كولەمىندە Fox News ارناسى قىزمەتكەرلەرى تاراپىنان سەكسۋالدى الىمساقتىققا بايلانىستى و’رايليگە قاتىستى بەس شاعىم تۇسكەنىن انىقتاعاندارىن جازادى. جابىرلەنۋشى تاراپتىڭ بۇل جايتتى جاريا ەتپەۋى ءۇشىن جۇرگىزۋشى 15 ملن دوللار جۇمساعانى دا ايتىلعان.

بيلل O’رايلي امەريكالىق پرەزيدەنتتەردەن، سونىڭ ىشىندە باراك وباما مەن دونالد ترامپتان بىرنەشە رەت سۇحبات العان. اقپان ايىندا ونىڭ ۆلاديمير ءپۋتيندى «ادام ءولتىرۋشى» دەپ ايتقان ءسوزى الەمگە تاراپ كەتتى. رەسەي پرەزيدەنتىنىڭ ءباسپاسوز حاتشىسى بۇعان قاتىستى كرەمل تەلەكومپانيادان «شىداممەن» كەشىرىم سۇراۋىن كۇتەدى دەگەن. و’رايلي بولسا، «التى جىلدان كەيىن كەشىرىم سۇراۋىم مۇمكىن» دەپ جاۋاپ بەرگەن.

ۇقساس جاڭالىقتار

Back to top button