Ауа-райының бұзылуына байланысты екі облыста көлік қозғалысы шектелді, деп хабарлайды turkystan.kz.
2026 жылғы 4 наурыз сағат 09:45-те ауа райының нашарлауына байланысты республикалық маңызы бар «Үшарал – Достық» автожолының 84-164 шақырым аралығында (Көктұма ауылынан Достық станциясына дейін) көліктің барлық түрлерінің қозғалысына уақытша шектеу енгізіледі.
Жолды 2026 жылғы 6 наурыз сағат 12:00-де ашу жоспарланған.
2026 жылғы 4 наурыз сағат 10:15-те ауа райының нашарлауына байланысты республикалық маңызы бар «РФ шекарасы – Ақтөбе – Қарабұтақ – Қызылорда – Шымкент – Алматы – ҚХР шекарасы» автожолының 776-965 шақырым аралығындағы учаскесінде (Ақтөбе қаласы – Қарабұтақ ауылы) жүк және қоғамдық көліктердің қозғалысына уақытша шектеу қойылады.
Жолды 2026 жылғы 4 наурыз сағат 14:00-де ашу жоспарланған.
1403 байланыс орталығына хабарласып, тәулік бойы қосымша ақпарат алуға болады.