Америкалық психологтардың зерттеуі бойынша, бастық туралы өсек айту қызметкерлердің стрессін азайтып, командалық жұмыс пен өнімділікті арттыра алады. Зерттеу барысында 300-ден астам қатысушы зерттелген, деп хабарлайды turkystan.kz. Мақала Journal of Business Ethics журналында жарияланған.
Нәтижелер көрсеткендей, бірге әңгіме айту қызметкерлерге ортақ пікірлес сезімін береді, командада сенім қалыптасады. Ми бұл әрекетті әлеуметтік қолдау ретінде қабылдайды, сондықтан психикалық кернеу азаяды. Әңгімелесу созылмалы стресс нәтижесінде жиналған цитокиндердің деңгейін төмендетеді, яғни организмге пайдалы әсерін тигізеді.
Зерттеу авторлары ескертеді: бастық жайлы жағымсыз пікірлерді үнемі айту жұмысқа кері әсер етуі мүмкін, бірақ қысқа «әңгімелесу сәттері» қызметкерлер арасындағы байланыс пен командалық жұмысқа оң ықпал етеді.