Астанада қалалық жедел медициналық жәрдем станциясының базасында қызметтік борышын орындау кезінде қаза тапқан фельдшер Ұлдана Мырзуанның күйеуі Әділет Зейнел жұбайын еске алды, деп хабарлайды turkystan.kz.
Бұл туралы ол әлеуметтік желідегі парақшасында жазба жариялады.
«100 күн… Түсімде мен сені дәл солай құшақтаймын…
Біз бұлттардың үстінде тұрғандаймыз,
сен аппақ киімде, жарық, сабырлы, жанымсың…
Қолыңды маған созасың, мен оны ұстаймын.
Сол сәттерде бәрі қайтадан өз орнына келгендей.
Жаным тыныш. Маған жақсы. Сен қасымдасың.Бірақ кейін мен оянамын…
Сонда сенің жоқ екеніңді түсінемін.
Ондай сәттерде көз ашқым келмейді.
Өйткені түсімде сен меніменсің,
ал шынайы өмір сенсіз тым бос.Адамдар: «Мен сені түсінемін» дейді,
«Алда әлі бәрі бар» дейді…
Бірақ менің «алдам» сен едің.
Барлық армандарым сенен басталатын.
Әр болашағымда мен бізді көретінмін.Сен менің өмірімнің жарығы едің.
Сен менің тірегім, күшім, қорғаным едің.
«Әр ер азаматтың артында оның әйелі тұрады» дейді…
Менің артымда енді үнсіздік.
Бірақ сенің махаббатың мені бәрібір ұстап тұр деп сенемін.Егер сен жанымда болсаң,
мені бұлайша сындыруға жол бермес едің…
Сен әрдайым мені мықты ете білетінсің.Сағындым…
Мен сені сүйемін…
Әр тынысымда да, әр дем шығаруымда да — сен.
Және бұл әрдайым солай болады», – деп жазылған жазбада.
Желі қолданушылары жазбаға қолдау білдіріп жазып жатты.
«Ия, түсінем, өте ауыр», «Уақыт емші, алдағы уақытта тек жақсылық болсын», «Иманы жолдас болсын, сізге сабыр берсін», – деген желі қолданушылары.