Жыл басынан бері Павлодар облысының жедел қызметкерлері әртүрлі қылмыстарға қатысты тергеу органдарынан жасырынған қылмыскерлердің орнын анықтады, деп хабарлайды turkystan.kz.
«Олардың ішінде тонау, ұрлық, зорлық-зомбылық, жол-көлік оқиғалары, көлік ұрлығы және есірткі қылмыстары бойынша іздеуде жүргендер бар. Мысалы, жол-көлік оқиғасын жасап, туған елінде қаржыны жымқырғаны үшін іздеуде жүрген Тәжікстан Республикасының азаматы ұсталды», – деді облыстық полиция департаментiнің баспасөз қызметі.
Ұсталған адам уақытша ұстау изоляторына қамауға алынған. Полицейлер іздеу жариялаған Душанбедегі әріптестеріне хабар берген.
Тәртіп сақшылары әділеттен қашып құтылу абырой бермейтінін ескертеді.