Павлодар қаласында өңірлік Жеке сот орындаушылар палатасының басшысы мас күйінде көлік жүргізгені үшін қамауға алынды, деп хабарлайды turkystan.kz.
Павлодар қаласының ЖСО палатасының басшысы Даурен Исабеков 15 тәулікке қамалып, 7 жылға жүргізуші куәлігінен айырылды.
Ер адам 21 ақпанда таңғы сағат 5 шамасында Hyundai Santa Fe автокөлігін алкогольдік масаң күйде басқарған кезінде тоқтатылған. Исабеков кінәсін толық мойындап, көп мөлшерде қымыз ішкенін түсіндірген.
Сот оны ҚР Әкімшілік құқық бұзушылық туралы кодексінің 608-бабының 1-бөлігі бойынша кінәлі деп танып, 15 тәулікке әкімшілік қамауға алу және 7 жылға көлік құралын басқару құқығынан айыру жазасын тағайындады.