Елордада ауа райының қолайсыздығына байланысты қала маңына қатынайтын автобустар уақытша тоқтатылды, деп хабарлайды turkystan.kz.
City Transportation Systems (CTS) компаниясының мәліметінше, ауа райының нашарлауына және автожолдардың жабылуына байланысты № 315, 316, 327 қала маңындағы бағыттарының қозғалысы уақытша тоқтатылды.
Қалған қала маңындағы бағыттар желіде жұмыс істеп тұр.
Астана тұрғындарына сапарларын жоспарлау кезінде осы ақпаратты ескеру ұсынылады.
Компания келтірілген қолайсыздықтар үшін кешірім сұрайды.