Қысқы спорттан Қазақстанның тұңғыш әрі 32 жыл бойы Олимпиада чемпионы болған шаңғышы Владимир Смирнов Милан Олимпиадасының жеңімпазы Михаил Шайдоровпен кездескісі келетінін мәлімдеді, деп хабарлайды turkystan.kz.
Бұл туралы ол TURKISTAN газетінің тілшісіне берген сұхбатында айтты.
"Мүмкіндік болса, әрине менің де онымен кездесіп, жеке құттықтағым келеді. Себебі мен қатты уайымдадым. Оның өзінен кейінгі өнер көрсеткендердің нәтижесін күтіп отырған кезінде уайымдап отырғанына қарап мен де уайымға берілдім. Оның бет-әлпетінен қатты толқып отырғаны көрініп тұрды. Михаил жүріп өткен жолды мен де жүріп өттім. Сондықтан оның нәтижелер өзгеріп жатқанда не сезіп отырғанын елестеттім", - деді 1994 жылғы Лиллехаммер Олимпиадасының чемпионы Владимир Смирнов.
Айта кетейік, бұған дейін Михаил Шайдоров аты аңызға айналған спортшы Владимир Смирновпен кездесуге ниетті екенін жеткізген болатын.