Қазақстандық гроссмейстер Бибісара Асаубаева табысы жоғары 10 әйел шахматшының қатарына енді, деп хабарлайды turkystan.kz сайты Forbes.ru-ға сілтеме жасап.
Рейтингке сәйкес, Бибисара жетінші орында – 21 жастағы спортшы жыл соңына дейін 110 000 доллардан астам табыс тапты.
"Бибисара блиц бойынша әлем чемпионатында жеңіске жетті, сондай-ақ Grand Swiss турнирінде үшінші орын алды. Сонымен қатар Асаубаева фристайл-турға қатысқан алғашқы әйел атанды, бұл оның қорытынды ұпайына да әсер етті", - делінген мақалада.
Рейтингтің көшбасшысы – Қытай Халық Республикасының өкілі Цзю Вэньцзюнь, ол шамамен 382 мың доллар табыс тапты. Алғашқы ондықтың соңында табысы 87 000 доллар болатын үнді қызы Дивья Дешмух тұр.
Еске сала кетейік, қазақстандық шахматшы Бибісара Асаубаева 2025 жылы блиц бойынша әлем чемпионатында жеңіске жетті, бұл жылдам шахматтың бір түрі. Жеңісінен кейін Асаубаева Қасым-Жомарт Тоқаевтан құттықтау алды. Қазақстан президенті шахматшыға екінші дәрежелі "Барыс" орденін табыс етті.