Жетісу облысының прокуратурасы интернет-алаяқтардан зардап шеккен азаматтың қаражатын қайтарды, деп хабарлайды turkystan.kz.
Талдықорған қаласының прокуратурасы қаржылық активтерді қорғаудың заманауи цифрлық құралдарын қолданып, интернет-алаяқтардың әрекетінен зардап шеккен азаматқа ақшасын толық қайтарып берді.
ҚР Қылмыстық кодексінің 190-бабы 3-бөлігі бойынша сотқа дейінгі тергеп-тексеру шеңберінде прокурорлар ҚР Ұлттық Банкінің «Антифрод-орталығы» платформасында инцидент құруға бастамашылық етті. Бұл ұрланған ақша түскен банктік шоттарды жедел анықтауға және бұғаттауға мүмкіндік берді.
«Төлемдер және төлем жүйелері туралы» Заң нормаларына сәйкес қабылданған шаралардың нәтижесінде, 850 000 тенге ұрланған сома күдіктілердің шоттарынан алынып, заңды иесіне
қайтарылды.
Жетісу облысының прокуратурасы ескертеді: киберқылмыспен күресте уақыт факторы шешуші рөл атқарады. Құқық қорғау органдарына дер кезінде жүгіну және транзакциялар туралы деректерді ұсыну — қаражатты бұғаттау мен қайтарудың жоғары кепілі.
Азаматтардың құқықтарын қорғау және интернет-алаяқтыққа қарсы іс-қимыл прокуратура органдарының қадағалау қызметіндегі басым бағыттары болып қала береді.