Ақмола облысында слесарь-жөндеуші болып жұмыс істейтін азамат өндірістік жарақат алған, деп хабарлайды turkystan.kz.
Оған бас және мойын тұсындағы сүйек сынуы диагнозы қойылып, үшінші топтағы мүгедектік белгіленген. Осылайша ол 55% еңбекке қабілеттілігін жоғалтқан. Жазатайым оқиғаның толықтай жұмыс берушінің кінәсінен болғаны анықталды.
Сот жәбірленушінің пайдасына жұмыс берушіден 3 млн теңге моральдық зиян өтемақысын өндірді. Ал жоғалтқан жалақы сомасын өндіруден бас тартылды, себебі аннуитеттік сақтандыру шартына сәйкес жұмысшыға 1 млн теңге төленген.
Сонымен қатар, сот еңбек заңнамасының ЖШС тарапынан бұзылғаны туралы мәліметтерді назарға алу және тиісті шаралар қабылдау үшін Мемлекеттік еңбек инспекциясы комитеті департаментінің атына жекеше ұйғарым шығарды.