__باستى سلايدەرجاڭالىقتار

ءانشى سايات مەدەۋوۆ – ءماسليحات دەپۋتاتى

تانىمال ءانشى سايات مەدەۋوۆ الماتى وبلىسى، قاراساي اۋدانىنىڭ №14 وكرۋگىنە ءماسليحات دەپۋتاتى بولىپ سايلاندى. 

ەلىمىزدە سوڭعى جىلدارى ەلەۋلى وزگەرىستەر ورىن الۋدا. سپورت پەن ونەر سالاسىندا جۇرگەن ءبىرشاما ازاماتتار سايلاۋعا ءتۇسىپ، دەپۋتاتتىق مانداتقا سايلانىپ جاتىر. الماتى وبلىسى قاراساي اۋدانى اكىمدىگى سايات مەدەۋوۆتىڭ دەپۋتات بولۋىن ءوز كەزەگىندە راستاپ وتىر. بەلگىلى بولعانداي، ەلىمىزگە تانىمال ءانشى سايات مەدەۋوۆ الماتى وبلىسى، قاراساي اۋدانىنىڭ №14 وكرۋگىنە ءماسليحات دەپۋتاتى بولىپ تاعايىندالدى. «سايلاۋ، نەگىزىنەن، 26 ناۋرىز كۇنى ءوتتى. سول كەزدە سايات مەدەۋوۆ جاڭا قىزمەتكە تاعايىندالىپ، وسى ۋاقىتقا دەيىن اۋدانىمىزدا بولعان ءتۇرلى رەسمي ءىس-شارالارعا قاتىسىپ ءجۇر»، – دەپ مالىمدەدى الماتى وبلىسى، قاراساي اۋدانى ءماسليحات اپپاراتىنىڭ باسشىسى قورداي ورىنبايۇلى.

«قامشى» سىلتەيدى
Back to top button