Шығыс Қазақстан облысында көлік қозғалысына шектеу қойылды, деп хабарлайды turkystan.kz.
«2026 жылғы 07 қаңтар сағат 16:00-де ауа райының бұзылуына байланысты республикалық маңызы бар «Өскемен – Риддер – РФ шекарасы» автожолының 15-105 шақырымы аралығында (Белоусовка ауылынан Риддер қаласына дейін) жүк көліктерінің қозғалысына шектеу қойылады», - делінген «ҚазАвтоЖол» хабарламасында.
Жолды 2026 жылғы 08 қаңтар сағат 06:00-де ашу жоспарланған.
1403 байланыс орталығына хабарласып, тәулік бойы қосымша ақпарат алуға болады.