Америкалық актриса Мелани Уотсон Бернхардт 57 жасында өмірден өтті. Бұл туралы оның ағасы Роберт Уотсон хабарлады. Актриса 26 желтоқсанда Колорадо-Спрингс қаласында көз жұмған, деп хабарлайды turkystan.kz.
Мелани Уотсон туа біткен жетілмеген остеогенез дертімен (халық арасында "хрусталь адам" ауруы) өмір сүрді – бұл диагноз кезінде сүйектер аса сынғыш болады. Осы себепті ол мүгедектер арбасын пайдаланған. БАҚ мәліметінше, актриса қан кету салдарынан ауруханаға түскен, бірақ жағдайы күрт нашарлап, дәрігерлер оның өмірін сақтап қала алмаған.
Көрермендер Мелани Уотсонды 1978–1986 жылдары шыққан «Различные ходы» («Diff’rent Strokes») ситкомындағы Кэти рөлі арқылы таниды. Ол сериалдың төрт бөлімінде ғана көрінгенімен, бір эпизод кейіпкерінің атымен аталған. Жобада басты рөлдерді Гэри Коулман мен Тодд Бриджес сомдаған.
Сериалдан кейін Уотсон Бернхардт актерлік мансабын аяқтаған. Кейін ол мүмкіндігі шектеулі жандарға арналған көмекші иттерді үйретумен айналысатын қайырымдылық ұйымын құруға атсалысқан. 1994–1996 жылдары Роджер Бернхардтпен некеде болған.