Сәрсенбі күні Қытай Хайнань аралдық провинциясындағы Вэньчан ғарыш айлағынан екі жаңа спутникті сәтті ұшырды, деп хабарлайды turkystan.kz.
«Шицзянь-29А» және «Шицзянь-29Б» спутниктері «Чанчжэн-7A» зымыран-тасығышының көмегімен Бейжің уақыты бойынша 06:40-та ұшырылып, жоспарланған орбиталарына сәтті шығарылды.
Жаңа спутниктер негізінен ғарыштағы нысандарды анықтаудың жаңа технологияларын сынақтан өткізу үшін пайдаланылатын болады.
Бұл ұшырылым «Чанчжэн» зымыран-тасығыштар тобы үшін саны жағынан 623-ші ұшырылым болды.
Бұған дейін Қазақстан мен Қытайдың бірлесіп аса дәл наноспутникті ғарышқа ұшырғаны хабарланған еді.