Германияның Гельзенкирхен қаласында белгісіз адамдар мерекелік тыныштықты пайдаланып, Sparkasse банкінің қоймасын тонады, деп хабарлайды turkystan.kz.
Олар қабырғаны бұрғылап тесік жасап кірген. Тергеу мәліметінше, келтірілген шығын 10–90 миллион еуро аралығында болуы мүмкін.
Депозиттік жәшіктерден шамамен 2700 клиенттің бағалы заттары ұрланған. Дүйсенбі күні таңғы сағат 4 шамасында өрт дабылы іске қосылып, оқиға орнына келген жедел қызметтер қабырғаның тесілгенін және қойманың түгелдей бос қалғанын анықтаған. Полиция қаскүнемдердің кәсіби жабдық пайдаланғанын болжайды.
Куәгерлер демалыс күндері банк бөлімшесінің маңындағы автотұрақта үлкен сөмкелері бар бірнеше ер адамды көргенін айтқан. Гараждағы бейнекамералар таңғы ерте уақытта маска киген адамдардың ұрланған автокөлікпен кетіп бара жатқанын тіркеген. dpa агенттігінің хабарлауынша, бұл тонау ел тарихындағы ең ірі қылмыстардың біріне айналуы мүмкін.
Гельзенкирхен қаласы Германия мен Еуропаның қаржы орталығы саналатын, Еуропалық орталық банк орналасқан Франкфурт қаласынан шамамен 192 шақырым солтүстік-батыста орналасқан.