Мәскеудегі Шереметьево әуежайында Boeing ұшағының қозғалтқышынан өрт шықты, деп хабарлайды turkystan.kz.
Ұшақ Мәскеу уақытымен 7:00-де Кубадағы Кайо-Коко бағытына ұшуы керек болған.
«Ұшақ жерден көтерілген сәтте оң жақ қозғалтқыш жағынан от ұшқыны шықты. Ұшақ қайта қонды да, шұғыл тоқтауға мәжбүр болды», — делінген хабарламада.
Жолаушылар ұшақ жылдамдығы үдей түскен кезде әуе кемесінде ақау бары байқалғанын айтты.
Адамдарды ұшақтан түсірді. Оқиға орнына құтқарушылар мен өрт сөндірушілер келді. Рейс Мәскеу уақытымен 11:00-ге ауыстырылды.