Қазақстан қор биржасындағы (KASE) күндізгі сауда қорытындысы бойынша бір доллардың орташа өлшенген бағамы 508,2 теңгені құрап, 4,8 теңгеге төмендеді, деп хабарлайды turkystan.kz.
Қазақстан Ұлттық банкінің 2 желтоқсандағы ресми доллар бағамы – 513,45 теңге.
Kurs.kz сайтының деректеріне сәйкес, Алматыдағы айырбастау пункттерінде долларды сатып алу бағасы орта есеппен 508,19 теңге, сату бағасы – 510,7 теңге. Астанада долларды орта есеппен 498,11 теңгеге сатып алып, 512,47 теңгеге сатады. Шымкентте долларды орташа есеппен 507,89 теңгеге сатып алып, 510,13 теңгеге сатады.
Еске салайық, күндізгі сауда қорытындысы бойынша доллардың орташа бағамы 24 қарашада 1,05 теңгеге көтерілген, 25 қарашада 1,52 теңгеге төмендеген, 26 қарашада 0,25 теңгеге өскен, 27 қарашада 1,75 теңгеге төмендеген, 28 қарашада 4,25 теңгеге төмендеген, 1 желтоқсанда 0,88 теңгеге көтерілген.