“Нұр-Мұқасан” тобына жаңадан қосылған әнші Ғалымжан Сүлеймен өзін ұрып-соққан әріптесі Мұқасан Шахзадаевты кешірмейтінін мәлімдеді, деп хабарлайды turkystan.kz.
Оқиғадан кейін Ғалымжанның мұрнына ота жасалып, дәрігерлер ісік қайтқан соң мұрын қабырғасына тағы бір операция жүргізетінін айтқан. Оның қазіргі жағдайын білу үшін адвокаты Инга Иманбай мен Жан Ахмадиев ауруханаға барған.
Ғалымжанның айтуынша, болған жайттан кейін Мұқасан Шахзадаев бір рет те хабарласпаған және кешірім сұрауға әрекет жасамаған.
“Өкінішке қарай, Мұқасан өзі кешірім сұрап хабарласқан жоқ. Тек оның атынан келушілер көбейіп кетті. Бірақ өзі бір ауыз шықпады. Бұл тәкаппарлықтың шегі деп ойлаймын. Енді келіп кешірім сұраса да, кешірмеймін. Алғашқы үш күнде күттім, одан кейін де күттім. Енді жоқ”, – деді ол.