Қазақстандық теннисші Зарина Дияс Australian Open чемпионатына жолдама жеңіп алды, деп хабарлайды sputnik.kz.
Қытайда өткен Australian Open Asia-Pacific іріктеу турнирінде wild card сарапқа салынды. Оны жеңген адам Australian Open чемпионатының негізгі жарыстарына бірден шыға алады.
Іріктеу турнирі кезінде финалда Зарина Дияс тайбэйлық Лян Эньшуомен кездесіп, 6:3 және 6:4 есебімен жеңіске жетті. Осылайша, қазақстандық теннисші Australian Openт жолдамасына ие болды.
Айта кетері, бұған дейін Зарина Дияс Australian Open-нің үшінші айналымына 2014, 2015, 2020 мен 2021 жылдары шыққан болатын. Бұл - оның ең үздік көрсеткіші.