Тағы бір министрлік керек пе?

Тағы бір министрлік керек пе?

ҚР Парламент Мәжілісінің депутаты Зағипа Балиева бүгін Әйелдер істері және отбасылық-демографиялық саясат жөніндегі ұлттық комиссияның кеңейтілген отырысы барысында отбасы мәселелеріне қатысты жаңа министрлік құруды ұсынды деп жазады 365info.kz. Депутаттың айтуынша, елімізде отбасы, әйелдер мен жастар проблемаларын шешуге арналған бірде-бір орган жоқ. Осыған орай, Балиева премьер-министр Бақытжан Сағынтаевтан жаңа министрлік құруды сұрап отыр. «Бүгінгі таңда жастар ісі бір министрліктің қарауында болса, балалардың құқығын қорғау мәселесімен өзге министрлік айналысады. Ал, отбасы мәселелерімен айналысатын бірде-бір мемлекеттік орган жоқ. Менің бұл ұсынысым қараусыз қалмайды деп үміттенемін. Ең болмағанда, осы мәселелердің бәрін бір министрліктің қарауына береді деп ойлаймын», — деді Зағипа Балиева. Еске салайық, биыл ақпан айында Балиева министр Ерлан Сағадиевке оқушылар мен мұғалімдерді жақсы көріп үйренуге кеңес беріп, білім саласындағы қисынсыз реформаларды жүргізбеуге шақырған болатын.