Ақтөбеде тұратын 40 жастағы Аманжол мен оның жары Гүлжахан таңғы сағат 10-да үйлерінен шығып, автокөлікпен кетіп қалған, деп хабарлайды turkystan.kz.
Кейінірек олардың өлі табылғаны белгілі болды. Әлеуметтік желілердегі жазбаларда желі қолданушылары ерлі-зайыптылардың артында бес баласы қалғанын айтып жатыр.
Ақтөбе облысының Полиция департаменті бұл ақпаратты растады. Қала сыртында 43 жастағы әйелдің денесі табылған. Денесінде зорлық-зомбылық белгілері болған.
«Одан әрі жүргізілген шаралар барысында оның жұбайының да мәйіті асылып тұрған күйінде табылды. Оқиға орнында жедел-тергеу тобы жұмыс істеп жатыр, қажетті іс жүргізу әрекеттері, аумақты қарау және дәлелдерді жинау жүргізілуде. Болған жағдайдың барлық мән-жайы анықталып жатыр, тиісті сараптамалар тағайындалды», – делінген полиция хабарламасында.
Полицияның нақтылауынша, әйелді күйеуі өлтірген, содан кейін өзіне қол жұмсаған.