Соңғы 10 күн ішінде Қазақстан астанасында бір айлық нормадан асатын мөлшерде жауын-шашын түсті, деп хабарлайды turkystan.kz.
Қыс маусымы басталғалы бері Астана қаласының коммуналдық қызметтері тәулік бойы күшейтілген режимде жұмыс істеп, қарды қаладағы алты ауданның барлығында жинап, арнайы полигондарға шығарып жатыр.
Қысқы кезең басталғалы бері қала аумағынан 176 мың текше метрден астам қар шығарылды, бұл 14 164 жүк көлігі рейсіне тең. Жолдар, тротуарлар мен көшелер көктайғақтың алдын алу және тұрғындардың қауіпсіз қозғалысын қамтамасыз ету мақсатында үнемі техникалық тұзбен өңделіп отырады.
Астана қысының ерекшелігі – ауа температурасының күрт ауытқуы. Күндіз ауа жылып, қар ериді, ал түнде қайта суытып, көктайғақ түзіледі. Бұл жағдай жолдар мен тротуарларда қауіпті мұз қабатының пайда болуына әкеледі.
Коммуналдық қызметтер тәулік бойы жолдарға тұз және көктайғаққа қарсы материалдар себуді жалғастырып келеді – маусым басталғалы бері 3 000 тоннадан астам реагент пайдаланылған.
Аулалардағы тәртіп пен тазалықты пәтер иелері кооперативтері (КСК) мен үй басқару ұйымдары (ОСИ) қамтамасыз етеді. Олар тұрғындардың қауіпсіздігі мен жайлылығы үшін қар мен мұзды уақытылы тазартуға міндетті.
Қала әкімдігі тұрғындар мен қонақтарға келесі сақтық шараларын ұстануға шақырады:
- жолдар мен тротуарларда қауіпсіздік ережелерін сақтау;
- түнгі және таңертеңгі уақытта қозғалғанда ерекше мұқият болу;
- ауа райы қолайсыз кезде алыс сапарлардан бас тарту.